آج کراچی کے ایک نہایت عمدہ دینی ادارے " جامعۃ الثقافۃ الاسلامیہ " میں حاضری کی سعادت حاصل ہوئی، درجہ حفظ و ناظرہ میں ننھے معصوموں کو اللہ جل جلالہ کا پاک کلام پڑھتے دیکھا، دل خوش ہوگیا، ماشاءاللہ درسگاہ میں نہایت منظم طریقے پر با ادب بیٹھے ہوئے طلبہ پوری توجہ سے اپنے اسباق یاد کر رہے تھے، اساتذہ کرام ہمہ تن متوجہ تھے، درسگاہ اور دیگر تمام انتظامی امور کے کمرے نہایت ترتیب اور صفائی کی بدولت کشش انگیز تھے، شعبہ حسابات میں تمام امور کمپیوٹر کے ذریعہ مرتب کیئے جا نے کا اچھا نظم قائم کیا گیا ہے۔ مجموعی نظم و نسق قابل اطمینان ہے ۔ الحمدللہ یہ ادارہ اپنے آغاز ہی سے سلیقہ مند ، دین کا وقار قائم رکھتے ہوئے دینی و علمی خدمات انجام دینے کا جذبہ رکھنے والوں کے ہاتھوں میں رہا ہے، یہاں آئندہ مزید شعبے ، مدرسۃ البنات، شعبہ درس نظامی وغیرہ قائم کیئے جانے کا منصوبہ ہے، حفظ و ناظرہ کے ساتھ پرائمری لیول کی تعلیم تو اب بھی جاری ہے، عصری تعلیم بھی مزید آگے تک دینے سلسلہ جاری کرنا ہے۔ اللہ تعالیٰ اس ادارے کو مزید قبولیت سے سرفراز فرمائیں، اور اس کےتمام مقاصد، منصوبے بحسن و خوبی پورے کراویں، اہل خیر کو متوجہ فرماکر ظاہری اسباب بھی بسہولت مہیا فرماویں۔ آمین